Dámosvos a benvida
Asociación Juan XXIII

Bo trato

Este proxecto pretende sensibilizar e loitar contra os prexuízos e discriminación das persoas con discapacidade intelectual.

Trátase de previr os malos tratos e fomentar do bo trato.

Pensamiento libre

Facilitamos os apoios e oportunidades ás persoas para que poidan gozar da experiencia do pensamento libre e diálogo con outros membros da sociedade.

O pensamento libre é importante xa a liberdade de expresión é unha das dimensións que nos constitúe como persoas.

Accesibilidad cognitiva

A accesibilidade cognitiva é necesaria para lograr a verdadeira inclusión social das persoas con discapacidade intelectual e outras persoas con dificultades de compresión.

Permite que as persoas sexan máis independentes, participen máis e estean máis incluídas na sociedade.

A Asociación Juan XXIII traballa para mellorar a accesibilidade cognitiva das contornas.

En 2018 a Asociación estableceu acordos con varios concellos da provincia no seu proxecto Rede de Concellos Accesibles para mellorar a accesibilidade dos edificios consistoriais.

Ocio e tempo de lecer

Ofrecemos os apoios ás persoas para que gocen dun lecer como cidadáns de pleno dereito.

Utilizamos os servizos da comunidade e temos en conta os seus desexos, preferencias e gustos persoais.

Contamos cunha oferta continuada de actividades que inclúe actividades da comunidade.

O horario é adecuado ás actividades e á idade das persoas que interveñen.

Todas as actividades de lecer, culturais, festas e de turismo contribúen a mellorar a calidade de vida das persoas con discapacidade intelectual.

Sensibilización social

Realizamos actividades de sensibilización na nosa comunidade para mostrar os problemas e dificultades cos que teñen que enfrontarse diariamente as persoas con discapacidade intelectual.

Queremos eliminar ou reducir as barreiras existentes na contorna das persoas con discapacidade para que poidan vivir mellor.

A Asociación Juan XXIII leva a cabo o Programa “Eu igual ca ti” que ten como obxectivo dar a coñecer a discapacidade nos centros educativos e establecer valores axeitados de convivencia.

Durante as charlas, o alumnado dos centros educativos aprende valores que humanizan, respectan e dignifican ás persoas con discapacidade.

Queremos que a infancia e a mocidade aprendan valores que promovan tolerancia, solidariedade, respecto e inclusión das persoas con discapacidade intelectual.

Autoxestores

As persoas con discapacidade intelectual deben ser portavoces das súas propias vidas.

Por iso, favorecemos que se autorepresenten e as apoiamos para que melloren as súas habilidades de comunicación, autonomía persoal e social.

As persoas con discapacidade que participan neste grupo reúnense varias veces ao ano.

Neste grupo tamén participan profesionais para ofrecer os apoios necesarios a cada persoa ou ao grupo en xeral.

As persoas que forman parte do grupo de Autoxestores reúnense para falar dos seguintes temas:

• Traballar para alcanzar a independencia.
• Aprender a vivir e a defender os seus dereitos sen axuda.
• Participar máis na sociedade.
• Tomar as súas propias decisións e facer eleccións.
• Facer as cousas por si mesmos e aprender a resolver os seus problemas.
• Coñecer e aceptar as súas limitacións.