| A obra o teatro dous esquecidos' foi representada no Día Internacional da Discapacidade como fórmula de inclusión social grazas a disciplinas do mundo da cultura. As artes escénicas convertéronse nun dos piares básicos das actividades prioritarias da Asociación Juan XXIII de Cangas para fomentar a integración real.
Preto dun centenar de alumnos de Primaria e Secundaria do colexio Compañía de María de Cangas asistiron á escenificación desta obra no salón de actos do mencionado centro educativo. O principal obxectivo está centrado en mostrar coa máxima normalidade a realidade de persoas que viven con discapacidade intelectual. A través dunha perspectiva positiva búscase alcanzar un alto grao de sensibilización á comunidade educativa da zona. A obra alude a unha das producións literarias do xornalista uruguaio Eduardo Galeano. Nesta, o espectador vive unha interesante experiencia ao converterse en parte activa do espectáculo espertando os personaxes esquecidos do circo que piden unha segunda oportunidade na imaxinaria carpa. Catorce persoas dan vida a unha representación que ten o fin de demostrar a ampla potencialidade que atesouran actores con algunha discapacidade no momento de desenvolver un papel sobre as táboas. Dende o ano 2004, o teatro é unha das ferramentas que máis contribuíu a mellorar a comprensión e empatía sobre a realidade das persoas con diversidade funcional. É considerado como un mecanismo idóneo para proxectar a normalidade necesaria a un escenario social e humano. Esta serie de actividades tamén permiten mellorar certas habilidades cognitivas, comunicativas ou emocionais das persoas con capacidades diferentes a nivel intelectual. Desta forma, esíxese unha normalidade na convivencia cotiá das persoas con discapacidade intelectual E reitérase unha habitual reivindicación relacionada cos dereitos universais dos que superan, día a día, as conxunturas propias dunha discapacidade. |
MENU PRINCIPAL
escoitar
|
O circo que non esquence as persoas con discapacidade
|
